Partia Shqiptare Demokristiane e Republikës së Kosovës 

Urimi me rastin e Njëvjetorit të Pavarësisë së Kosovës

Partia Shqiptare Demokristiane e Republikës së Kosovës me rastin e shënimit të njëvjetorit të Pavarësisë së Republikës së Kosovës, uron mbarë popullin e Kosovës, e në veçanti Presidencën, Qeverinë dhe Kuvendin e Kosovës.

PSHDK falenderon mbarë popullin e Republikës së Kosovës dhe institucionet shtetërore për të arriturat që janë bërë gjatë këtij viti.

Në veçanti falenderojmë SHBA-të, BE-në, NATO-n dhe mbarë organizmat ndërkombëtar që i kontribuan pavarësisë së Republikës së Kosovës, por falenderon edhe për ndihmat që i janë dhënë për të hapëruar drejt prosperitetit dhe zhvillimit të Republikës së Kosovës.

Askush nuk mund ta mohojë progresin e arritur, pavarësisht në ç‘përmasa (në një vit nuk mund të bëhet gjithçka), në të gjitha aspektet në Kosovën e pas-Pavarësisë. Një Kosovë e njohur nga 54 shtete, që po ngre dhe konsolidon institucionet demokratike të shtetit, me struktura të sigurisë e të rendit në funksionim, sipas standardeve, që po inicion një sërë nismash e reformash të zhvillimit ekonomik e të luftës kundër varfërisë dhe që po zbaton masa për integrim evroatlantik, nuk mund të mos quhet një Kosovë në progres.
Një vit pavarësi në Kosovë, një vit progres i gjithanshëm, nuk janë pak kur dihet se ku ishim dhe ku arritem, natyrisht duke e respektuar sakrificën për pavarësi.

                                                                      Kryesia e PASHDK-së

                                 *  *  *

Në kuadër të PSHDK-së në Prishtinë

U mbajt Kuvendi i Forumit Rinor të Demokristianëve

Partia Shqiptare Demokristiane e Republikës së Kosovës mbrëmë nëpërmjet të Forumit Rinor të Degës së PSHDK-së në Prishtinë, shënoi Njëvjetorin e Pavarësisë së Republikës së Kosovës. Për këtë festë të rëndësishme të pranishmëve u foli z. Ton Marku, kryetar i PSHDK-së, kurse mori pjesë edhe Mark Komani, nënkryetar i PSHDK-së, Frrok Kristaj, zëdhënës dhe Albert Mirdita, kryetar i Degës së PSHDK-së për lagjen e Ulpianës në Prishtinë.

Natyrisht se kontributi i PSHDK-së dhënë Pavarësisë së Kosovës është shumë i madh, sidomos kur dihet se kësaj Partie shumë vite i ka prirë atdhetari, shkencëtari dhe tribuni ynë i madh, akademik Mark Krasniqi. Po ashtu, lirisë së Kosovës i ka dhënë rrugë dhe orientim i madhi Ibrahim Rugova, sikurse edhe prijësi i Luftës Çlirimtare të Kosovës, heroi Adem Jashari, sikurse edhe shumë e shumë heronjë, dëshmorë e luftëtarë.

Më pastaj, Kuvendi themelues i Forumit Rinor të Demkristianëve të Prishtinës zhvilloi punimet e veta.

Me këtë rast u zgjodh Kryesia e punës dhe më pastaj u bë zgjedhja e Kryesisë së Forumit Rinor të Degës së PSHDK-së në Prishtinë prej 11 anëtarësh, kurse kryetar u zgjodh Samuell Berisha.

Në fund për pjesëmarrësit u organizua një koktej rasti.

***
 

Delegacioni i PSHDK-së u prit nga Ambasadori i Republikës Federale Gjermane në Prishtinë, z. Hans-Dieter Steinbach

Delegacioni i kryesisë së PSHDK-së në përbërje Dr. Nikë Gjeloshi, ing. Mark Komani, ing. Lazer Krasniqi dhe zëdhenësi Frrok Kristaj, u prit nga ambasadori i Republikës Federale Gjermane z. Hans – Dieter Steinbach, në Prishtinë.

Delegacioni demokristian falenderoj ambasadorin gjerman per pranimin e Republikës së Kosovës nga ana e Republikës Federale të Gjermanisë e cila ishte nder shtetet e para qe bëri atë pranim dhe per mbeshtejën politike e ekonomike qe bënë ky shtet mik tash e 20 vjet per Kosovën dhe perspektivën e saj si shtet i ri.

 Delegacioni demokristian njohtoj ambasadorin Steinbach per rrolin dhe veprimtarinë e PSHDK-së per lirinë e pavarësinë e Kosovës qe nga themelimi i saj vitin 1990 e deri me sot; por dhe per rëndësinë e ketijë subjekti dhe në të ardhmen per ndertimin e demokracisë dhe shtetit ligjor të Republikës së Kosovës. U theksuan dhe problemet me te cilat ballafaqohet ky subjekt politik. Veqmas u potencua problemi i punësimit te të rinjëve të shkolluar demokristian te cilet po detyrohen të braktisin Kosovën dhe problemi i reprezentimit të demokristianeve në institucionet publike të vendit.

 Ne bisedën e gjatë miqësore më ambasadorin Steinbach delegacioni demokristian shprehu   interesimin e një bashkëpunimi më të ngusht me partitë e djathta Gjermane si CDU e CSU; nevojën e lehtësimeve te levizjeve të kuadrit të PSHDK-së në Republikën Federale Gjermane me qellim te kontaktimeve me të shpeshta të ketijë kuadri me simpatizantët demokristian shqiptar në ketë shtet mik, si dhe intersimin per mbeshtetje me Projekte të ndryshme qe do të ndikonin ne shkollimin dhe punësimin e të rinjëve në Kosovë.

 Ambasadori Gjerman z. Stainbach falenderoj delegacionin demokristian per rrespektin qe tregon populli i Kosovës per Republikën Federale Gjermane, per bashkëpunimin e këtyre dy shteteve, dhë shprehu intersim e gatishmeri per ti ofrue lidhje më të forta PSHDK-së më partitë e djathta Gjermane; per të patur kontakte më të shpeshta me Ambasadën e Republikës Federale Gjermane e PSHDK-në dhe më delegacionet zyrtare Germane qe vizitojnë Republikën e Kosovës.

 Sherbimi per Informim i PSHDK-së

Prishtinë, 3.02.2009

                                    *   *   *
 

PARTIA SHQIPTARE DEMOKRISTIANE E KOSOVËS

 
 Prishtinë, më 21 janar 2009

PRESIDENTIT TË SHTETEVE TË BASHKUARA          

Z. BARACK OBAMA

 I nderuari President i SHBA-ve,

Inaugurimi Juaj, President i Shteteve të Bashkuara të Amerikës, është një moment tejet i rëndësishëm për kombin Tuaj në këto ditë të vështira që po kalon, por edhe për gjithë kombet që përqafojnë vlerat amerikane të lirisë e demokracisë.

Ne, kosovarët i jemi mirënjohës përherë kombit amerikan dhe Qeverive të Shteteve të Bashkuara që na ndihmuan për të gëzuar lirinë dhe pavarësinë dhe jemi të bindur thellë se edhe nën udhëheqjen Tuaj politika amerikane ndaj Kosovës do të ketë vazhdimësinë e mbështetjes për ta zhvilluar shtetin tonë të ri.

PSHDK-ja dhe gjithë populli i Kosovës e ka përcjellë me vëmendje të veçantë inaugurimin Tuaj dhe ka qenë i mrekulluar nga pjesëmarrja e miliona njerëzve në motin e ftohtë për të festuar me dinjitet vendosjen Tuaj në Shtëpinë e Bardhë dhe për të drejtuar kombin drejt sukseseve dhe progresit.

E gjithë bota ka pritur me optimizëm vendosjen Tuaj në krye të Shteteve të Bashkuara të Amerikës për t’ i dhënë zgjidhje problemeve jo vetëm në Amerikë, por edhe kudo tjetër ku popuj e kombe ballafaqohen me shtypjen e egër. 

Z. President, Kosova është shtet i ri, me diversitete kulturash e etnish, por që duke u nisur nga parimet e larta dhe vlerat civilizuese ka marrë përsipër të respektojë të drejtat e të gjithëve, për ta bërë një vend të prosperuar dhe të zhvilluar.

Zoti Ju bekoftë Ju dhe Amerikën

*  *  *

Partia Shqiptare Demokristiane e Republikës së Kosovës

REAGIM I PSHDK-së RRETH ARRESTIMEVE NË LUGINËN E PRESHEVËS‏

Kryesia e PSHDK-së reagon ashpër lidhur me arrestimin e ish ushtarëve të UÇK-së në Kosovën Lindore, si dhe për brutalitetin e ushtruar gjatë bastisjes së shtëpive të familjeve shqiptare, që i la të lemerisur edhe fëmijët dhe familjet në përgjithësi.

PSHDK-ja vlerëson se këto akte brutale rishfaqin fytyrën e agresivitetit të ish regjimit diktatorial dhe kanë për qëllim nxitjen e situatave të konfliktit dhe të destabilizimit të gjithë rajonit. Në fakt, prapavija e veprimeve të tilla ndërlidhet me synimet e Serbisë për t’i nxitur skenaret e ndarjeve dhe për ndryshimin e kufijve. Me këtë brutalitet Serbia po vazhdon të dëshmojë se nuk është shëruar nga mentaliteti i dhunës dhe agresionit. 
PSHDK-ja fton bashkësinë ndërkombëtare që të ndërhyjë urgjentisht për ta ndalur dhunën e autoriteteve të Serbisë ndaj popullatës shqiptare në Kosovën Lindore, përkatësisht që ta shtyjë Serbinë të heq dorë nga politikat e kryekriminelit Millosheviqi, që po i realizon trashëgimtari i tij Daçiq dhe koalicioni Tadiq-Daçiq. 

PSHDK-ja po i përcjellë me indinjatën e saj të thellë ndërhyrjen jo të rastësishme të Qeverisë së Serbisë, e cila edhe një herë po dëshmon se në Serbi asgjë nuk ka ndryshuar dhe se ajo me këtë akt brutal kujton veprimet e tipit të së kaluarës kundër shqiptarëve.
PSHDK-ja kërkon nga Qeveria e Beogradit që sa më parë t’i lirojë dhjetë shqiptarët e arrestuar dhe ta ndërpresë represionin e dhunën kundër shqiptarëve në Kosovën Lindore, duke vlerësuar se veprime të tilla janë drejtpërdrejt në funksion të destabilizimit dhe në dëm të angazhimeve për qetësi e stabilitet në këtë pjesë të rajonit.
PSHDK-ja e çmon rolin e udhëheqësve shqiptarë në Kosovën Lindore dhe përcjellë gatishmërinë për mbështetje dhe bashkëpunim të vazhdueshëm me spektrin politik në mbrojtje të të drejtave dhe dinjitet qytetar e kombëtar të shqiptarëve atje.

Arrestimet e dhjetë pjesëtarëve të ish-Ushtrisë Çlirimtare të Kosovës nga policia serbe, kanë prapavijë politike dhe bëhen për të mbajtur të tensionuar gjendjen në Kosovën Lindore. Bile, aksioni i fundit i xhandarmërisë serbe mund të shihet si ngritje e tensioneve nga ana e Beogradit në raport me Qeverinë e Republikës së Kosovës.

Serbia me këtë akt brutal e vazhdon praktikën e dhunës ndaj shqiptarëve, që ka për qëllim  ndarjen mbi baza etnike të Republikës së Kosovës, që mund të çon në ndryshimin e kufijve, gjë që nuk do të shkonte në favor të asnjërës palë.

Njëherësh, ky akt brutal ka për qëllim ndjekjen e politikës së kryekriminelit serb, Sllobodan Millosheviq, për pastrim etnik të shqiptarëve në Kosovën Lindore.

Në përgjithësi një gjë është e qartë, se ky veprim është një vazhdimësi e një agresiviteti që tenton të mbajë shkallën e tensionimeve, edhe për të arsyetuar prezencën e forcave militare në Kosovën Lindore, por me siguri mund të pritet se këto tash janë edhe një ngritje e tensioneve në raport me Qeverinë e Republikës së Kosovës dhe organeve  shtetërore të saj (Republikës së Kosovës).

                                   *  *  *

Kryesia e Partisë Shqiptare Demokristiane të Kosovës  uron besimtarët e krishterë me rastin e festës së Kërshëndellave

Kryesia e Partisë Shqiptare Demokristiane e Republikës së Kosovës, me rastin e Festës së Madhe të KRISHTLINDJES, me sinqeritetin dhe kënaqësinë më të madhe Ju shpreh urimet më të përzemërta Ju dhe të gjithë shqiptarëve të besimit katolikë, përkatësisht mbarë popullit të Republikës së Kosovës.
Kjo ngjarje e mrekullueshme përkujtohet dhe kremtohet çdo vit në këtë kohë me gëzim të madh edhe te ne. Nata e shenjtë e Krishtlindjes, por edhe ditët e ardhshme të kësaj kohe të shenjtë, janë ditë të veçanta kur gëzimin tonë ia shprehim njëri-tjetrit me dëshirat më të përzemërta për një mirëqenie më të mirë, më të lumtur, më të begatë dhe më të qetë.
Ngjarja e Kërshëndellave në mënyrë analoge mund të krahasohet edhe me përjetimet tona. Lindja e një realiteti të ri, e të dëshiruar me shekuj - lirimi nga robëritë dhe vështirësitë e ndryshme, tashmë u bënë realitet: Kosova u pavarësua. Festa e sivjetme -  Krishtlindja, për herë të parë po i kremtojmë në Kosovën e pavarur dhe sovrane, ndaj edhe në familjet e mbarë popullit të Kosovës mbretëroftë dashuria, paqja, ndjenja e solidaritetit dhe mëshira.
 

 Prishtinë, 24 dhjetor 2008                     Kryesia e PSHDK-së

                                                                                         
                                       * * *

PSHDK-ja mbështet refuzimin e Prishtinës

 Në kë subjekt politik konsiderohet se neutraliteti që paraqet EULEX-i lë hapësirë që Serbia të ketë qasje në territorin e Republikës së Kosovës, gjë e cila kundërshtohet fuqishëm

PSHDK përkrah Prishtinën zyrtare për refuzimin e projekt-marrëveshjes së arritur ndërmjet OKB-së, BE-së dhe Beogradit për shtrirjen e EULEX-it në Kosovë. Bile, PSHDK-ja konsideron se EULEX-i duhet të shtrihet në Kosovë e jo në Serbi. Ndaj për shtrirjen e tij duhet të bisedohet me Kosovën e në asnjë mënyrë me Beogradin zyrtar.

Në të kundërtën marrëveshja e përmendur, siç po kërkohet nga Prishtina zyrtare, paraqet cenim të sovranitetit dhe të integritetit kushtetues të Republikës së Kosovës. Megjithatë marrëveshje lidhur me shtrirjen e EULEX-it duhet të ketë me palën ndërkombëtare për të arritur deri te një pëlqim që do të ishte në harmoni me Kushtetutën e Republikës së Kosovës dhe pakon e Ahtisaarit. Sido që të jetë PSHDK-ja konsideron se Prishtina zyrtare do të vazhdojë të bashkëpunojë me ndërkombëtarët në zbatimin e planit të Ahtisaarit.

Në këtë aspekt PSHDK-ja mendon se Kosova nuk mund të konsiderohet bllokuese e procesit të shtrirjes së misionit të EULEX-it, sepse këtu nuk kemi të bëjmë me një situatë që mund të prezantohet si bllokadë.

Në të kundërtën EULEX-si duhe të fillojë punën këtë vit në Kosovë, sepse mandati i tij është i qartë, i paraparë edhe me pakon e Ahtsiarit dhe fushëveprimi i tij është i qartë se respekton ligjet që i ka nxjerrë Paralamenti i Kosovës, si ligje të Republikës së Kosovës.

 Është krejt e natyrshme se duhet të gjendet formula që do t'i mundësonte misionit EULEX-it të jetë funksional në tërë territorin e Kosovës.

PSHDK-ja konsideron se institucionet duhet të jenë më të përgjegjshme për kundërshtimin e këtij misioni në formën që po vjen, sepse neutraliteti që paarqet EULEX-i, lë hapësirë që Serbia të ketë qasje në territorin e Republikës së Kosovës, gjë e cila duhet të kundërshtohet fuqishëm.
Po ashtu, duhet të kundërshtohet pjesëmarrja e institucioneve të Kosovës në çfarë do lloj bisedimesh që do të mund të kontestonin pavarësinë e Kosovës.

PSHDK konsideron se Prishtina Zyrtare shpreh gatishmëri për të vazhduar dialogun me bashkësinë ndërkombëtare, për të siguruar vendosjen sa më të shpejtë të EULEX-it në të gjithë territorin e Republikës së Kosovës, duke garantuar bashkëpunim të plotë me to dhe institucionet e tjera ndërkombëtare. Shpresojmë se partnerët dhe miqtë ndërkombëtarë të Kosovës do ta kuptojnë vendimin e lidershipit të Republikës së Kosovës. Fundja, mendon PSHDK-ja se Prishtina zyrtare gjithë procesin e pavarësimit e ka koordinuar me ndërkombëtarët, kurse si rezultat i këtyre koordinimeve ishte miratuar edhe pakoja e Ahtisaarit.

 Për Shërbimin për informim të PSHDK-së

                               *  *  *

 Ambasadës së Shteteve të Bashkuara të Amerikës në Kosovë

Ambasadorës së respektuar Tina Kajdanov

 Partia Shqiptare Demokristiane e Republikës së Kosovës shpreh dëshirën që nëpërmjet Jush të uroj zgjedhjen e Presidentit të ri të SHBA-ve.

 Bashkohemi me popullin e vendit Tuaj dhe të gjithë botës në urimet për Ju, që jeni zgjedhur president i SHBA-ve. Fitorja Juaj dëshmoi se asnjë person, në asnjë vend, nuk duhet të ndalet së ëndërruari për të ndryshuar botën derisa të bëhet një planet më i mirë.

Ju urojmë punë të mbarë, në ditët që po hapen para Jush. Jemi të bindur se Ju në fund do të ndiqni ëndrrën Tuaj, që SHBA-të të vazhdojnë të jenë një komunitet kombesh për sigurimin e paqes dhe mirëqenies në mbarë botëm.

Njëherësh, kam nderin dhe kënaqësinë e veçantë që, në emër të anëtarësisë së Partisë Shqiptare Demokristiane të Republikës së Kosovës, si subjekt politik parlamentar, dhe në emrin tim personal, të Ju dërgoj urimet më të përzemërta dhe më miqësore me rastin e zgjedhjes Suaj në postin e Presidentit të Shteteve të Bashkuara të Amerikës!

Gjej mundësinë, Zotëri President i zgjedhur, të shpreh edhe një here mirënjohjen për mbështetjen e vazhdueshme që vendi Juaj i madh i ka dhënë popullit të Republikës së Kosovës në përpjekjet e tij për t’u bërë shtet dhe pjesë e familjes demokratike dhe për të marrë përsipër angazhimet e rëndësishme në përballjen e sfidave rajonale dhe globale përkrah popullit mik amerikan.

Populli i Kosovës është i vendosur të vazhdojë rrugën e tij për krijimin e një shoqërie të vlerave të demokracisë e të lirisë, për ndërtimin e shtetit të së drejtës e të institucioneve të pavarura.

Duke Ju uruar edhe një here suksese në misionin Tuaj të rëndësishëm, duke Ju uruar përshëndetjet më të ngrohta për Ju dhe popullin amerikan, pranoni, i nderuari Zotëri President i zgjedhur, shprehjen e konsideratës sime më të lartë!

 Me urimet e mia më të sinqerta për Ju

 Prishtinë: 12.11.2008                                                    

Partia Shqiptare Demokriatiane e Kosovës

 Ton Marku, kryetar

                                 *  *  *

Takime pune të nënkryetarit të PSHDK-së, Dr. Nikë Gjeloshit, me udhëheqjën e
Bashkësisë se Degevë dhe të Degës se Turgaut e të Bazel Landit, në Zvicër
 
Prishtinë, 13.10.2008
 Dr. Nikë Gjeloshi, nënkryetari i PSHDK-së pati takime pune me udhëheqës të Bashkësisë se Degeve dhe të Degës se Turgaut e te Bazel Landit në Zvicër.
Udhehqja e Bashkësisë se degeve dhe e Degëve të Turgaut e te Bazel Landit u njohtuan lidhur me angazhimin e udheheqjës qendrore të PSHDK-së, si dhe per perpjekjet qe po bahen ne drejtim të ofrimit dhe bashkimit te demokristianëve.
U vlerësuan pozitivisht perpjekjët e kryesisë se PSHDK per ofrimin dhe pajtimin e demokristianeve si dhe u theksue domosdoja e perfundimit sa më parë të bisedimeve nemes PSHDK-së dhe PDKI-së dhe njohtimit publik mbi Marrëveshjën eventuale per bashkim në një PSHDK.
Siq u konstatue, dhe ne këto takime, Bashkësia e degëve dhe degët e PSHDK-së në Zvicër dhe Diaspora në pergjithësi qe nga themelimi i PSHDK-së kanë qenë shtyllë e fortë e ketijë subjekti politik por dhe e realizimit të pavarësisë e sovranitetit të Republikës së Kosovës. U biseduan dhe mundësitë e angazhimit e te koordinimit edhe me të madh te veprimit të PSHDK-së si në Republikën e Kosovës ashtu dhe në Diasporë.
Ne këto takime pune u percaktuan detyrat dhe pergjegjësitë reciproke të udhëheqjës qendrore dhe Diasporës lidhur me veprimin e perbashkët politik ashtuqe PSHDK në të ardhmen të bëhët faktor politik me më ndikim dhe pjesë e pushtetit të Republikës së Kosovës.
 
                                                                                Shërbimi për informim i PSHDK-së
 

*   *   *

Ftesë për konferencë për shtyp në PSHDK

 Pas mbajtjes së Kuvendit VIII zgjedhor të PSHDK-së, ku u zgjodhë kryetari i ri i PSHDK-së, kryesia dhe u vendos që tash e tutje kjo Parti të ketë organ të vetin edhe Senatin e Partisë, kryetari i PSHDK-së do të mbajë Konferencë për shtyp.

Ndaj, ftojmë të gjitha mjetet e shkruara dhe ato elektronike të informimit që të marrin pjesë në Konferencën për shtyp të PSHDK-së, që do të mbahet në lokalet e PSHDK-së (Prishtinë, rruga “Bedri Pejani” numër 3, tel. 044-262-753), ditën e enjtë, më 12 qershor 2008, në orën 12.

                                                                      Shërbimi për informim i PSHDK-së

                                                         *   *   *

Sejdiu e Thaçi pritën kryetarin e ri të PSHDK-së, Ton Marku

Presidenti i Republikës së Kosovës, Fatmir Sejdiu dhe Kryeministri i Kosovës Hashim Thaçi kan pritur dje në takime të ndara kryetarin e PSHDK-se Ton Marku, i cili shoqërohej nga bashkpuntorët dhe udhëheqësit  e tjerë të kësaj partie.

Presidenti i Republikës së Kosovës Fatmir Sejdiu ka pohuar së PSHDK-ja luan një rol të rëndësishëm nëpër të gjitha  proceset që ka kaluar Kosova.

Nje takim të ngjashëm kreu i PSHDK-së, Ton Marku ka zhvilluar edhe me kryeministrin e vendit, Hashim Thaçi. 

                                                   *    *    *

Ditë më parë në Prishtinë

 U mbajt Kuvendi VIII zgjedhor i PSHDK-së

Me vota të fshehta kryetar i PSHDK-së u zgjodh Ton Marku, kurse Kryesia u freskua edhe me anëtarë të rinj, si me Lazër Krasniqin, Pjetër Colin, Nikë Gjeloshin e kështu me radhë. Tash e tutje PSHDK-ja do të ketë si organ edhe Senatin e Partisë

Në Prishtinë, ditën e shtunë, më 7 qershor 2008, u mbajt Kuvendi VIII zgjedhor i PSHDK-së. Punimet e Kuvendit u zhvilluan në praninë e mbi 144 delegatëve, nga 171, sa ishin zgjedhur nga anëtarësia. Është për t’u përmendur se me këtë rast u dëshmua se në këtë Parti vërtetë pat tolerancë dhe se proceset demokratike funksionuan pikërishtë siç e kërkojnë vlerat demokristiane.

Pas intonimit të Himnit Kombëtar Shqiptar, pjesëmarrësit u njoftuan me dorëheqjen e parevokueshme të kryetarit të deritashëm, Akademik Mark Krasniqit. Më pastaj u votuan organet punuese të Kuvendit.

Në vazhdim Mark Komoni, kryetar i Komisionit për ndryshimet dhe plotësimet e Statutit paraqiti vërejtjet dhe plotësimet e Statutit. Gjatë debatit që u zhvillua lidhur me këtë pikë, në emër të Degës së PSHDK-së në Ulpianë të Prishtinës, Frrok Kristaj propozoi disa pika me interes, të padëgjuara deri më tash, që te pjesëmarrësit zgjuan interesim. Në veçanti bëri përshtypje inkorpurimi i organit të Senatit si organ i PSHDK-së. Pjesëmarrësit pranuan që Senati tash e tutje të jetë organ i PSHDK-së.

Më pastaj u miratua pa vërejtje Raporti i punës dhe ai financiar i Kryesisë së PSHDK-së. Pika më e nxehtë padyshim ishte zgjedhja e kryetarit të PSHDK-së. Për këtë detyrë nga Bashkësitë e Degëve ishin propozuar katër veta, si Ton Marku, Ukë Berisha, Simon Augustini dhe Nikë Gjeloshi. Para pjesëmarrësve të Kuvendit kandidatët shpaluan programet e tyre dhe pastaj u kalua në zgjedhjen e tyre me vota të fshehta. Në rundën e parë nuk kaloi asnjëri nga kandidatët e propozuar. Megjithatë në rundën e dytë u votua për dy kandidatë – Ton Markun e Ukë Berishën, pasi që Simon Augustini dhe Nikë Gjeloshi ishin eliminuar në rundën e parë. Edhe në rundën e dytë u votua me vota të fshehta dhe si përfundim doli se me shumicë votash fitoi kandidati Ton Marku, i cili edhe u zgjodh kryetar i PSHDK-së. Vlen të përmendet se është votuar para pjesëmarrësve të Kuvendit, sikurse edhe para tyre edhe janë numruar votoat e fshehta.

Po ashtu, Kuvendi miratoi dorëheqjet e paraqitura nga anëtarët e deritashëm të Kryesisë së PSHDK-së, si të Ukë Berishës e të Jakup Kastratit. Ndërkaq, për anëtarë të Kryesisë së PSHDK-së u zgjodhën: Lazër Krasniqi (u zgjodh edhe kryetar i Senatit të PSHDK-së), Pjetër Coli dhe Nikë Gjeloshi.

Njëherësh u autorizua Kryesia e PSHDK-së që të bëjë edhe plotësime të tjera me kooptim të anëtarëve në Kryesi, por gjithnjë me propozim të Bashkësive të Degëve apo të Degëve të PSHDK-së.

                                         *    *    *

KRYESISË DHE KUVENDIT ZGJEDHOR TË PARTISË SHQIPTARE DEMOKRISTIANE TË KOSOVËS

Lënda – Dorëheqja e parevokushme

nga posti i kryetarit dhe anëtarit të PSHDK-së

      Të nderuar anëtarë të Kryesisë dhe delegatë të Kuvendit zgjedhor të PSHDK-së!

            Ju përshëndes të gjithëve dhe ju uroj punë të mbarë në Kuvendin  tuaj zgjedhor.

       Siç e dini, unë me kohë e kam bërë me dije Kryesinë e Partisë se në Kuvendin zgjedhor, që duhej të mbahej  sa më parë brenda vitit 2008, nuk do të kandidohem, as nuk do të pranoj që të më vazhdohet mandati i kryetarit të PSHDK. Këtë kërkesë e kam bërë nga kryesia e PSHDK-së disa herë në  të kaluarën, për arsye të moshës ime të shtyer, por Kryesia  nuk është pajtuar me këtë kërkesë dhe asnjëherë nuk ia  ka paraqitur Kuvendit të partisë, i cili, në bazë të Statutit është kompetent për zgjedhjen dhe shkarkimin e kryetarit. U bënë plot 16 vjet që jam  kryetar i kësaj partie. Për mua kjo ka qenë barrë jo e lehtë, sepse, para së gjithash, nuk kam pasur, as nuk kam pretendime të bëj karrierë  politike. Profesioni im është puna shkencore dhe letrare, për të cilën nevojitet shumë kohë e lirë dhe punë e përditshme. Megjithatë, situata politike dhe interesi i Kosovës ka qenë e vetmja arsye që kam pranuar ta udhëheq 16 vjet këtë parti në rrugën e vështirë të interesit kombëtar. Duke kontaktuar me organet kompetente politike që nga Vashingtoni, Londra, Brukseli, Berlini e deri në Kanbera – kryeqytet i  Australisë, dhe në shumë shtete të tjera në Evropë, jam përpjekur ta bind faktorin ndërkombëtar për të drejtën e shqiptarëve autokton në Kosovë për vetëvendosje, për shtet të pavarur. Njëkohësisht i kam informuar bashkëbiseduesit politikë kompetentë për terrorin dhe gjenocidin e pushtetit okupator serb, i cili me propagandën e tij gënjeshtare, përpiqet ta bindë botën se Kosova është historikisht trevë serbe, kurse shqiptarët janë ardhacakë dhe popull primitiv, terrorist, fundamentalist islamik i rrezikshëm për kulturën e demokracinë  evropiane dhe paqen në rajon, prandaj nuk duhet të përkrahen kërkesat e tyre për shtet të pavarur. Jam përpjekur që me argumente shkencore dhe me shembuj konkretë nga tradita jonë shekullore, ta bind faktorin ndërkombëtar politik se shqiptarët janë popull autokton në  Ballkan, popull fisnik, tolerant, paqedashës, antiterrorist e antifanatik fetar, mikpritës dhe besnik, gjithmonë i orientuar drejt Evropës dhe në përgjithësi drejt Botës perëndimore demokratike.  Këtë e kam ilustruar edhe me realitetin tonë në PSHDK, ku një pjesë e madhe e anëtarësisë dhe udhëheqësisë partiake janë anëtarë të saj. Partinë tonë e kam shfrytëzuar për të bindë bashkëbisedusit politikë se shqiptarët myslimanë janë shumë tolerantë fetar dhe me kulturë të Evropës perëndimore kristiane. Në këtë frymë të interesit  të Kosovës dhe të kombit, gjatë këtyre viteve kam botuar 5 libra  me rreth 1.600 faqe, shumë punime, intervista dhe paraqitje të tilla në mjete të informimit në Kosovë dhe në botën e jashtme. Këtë nuk e them për lavdatë, por vetëm për informim, ose raport delegatëve të Kuvendit dhe anëtarsisë së PSHDK-së për aktivitetin tim gjatë këtyre viteve. Për mua është kënaqësi e madhe fakti që kam sjell monumentin e Heroit tonë kombëtar, Gjergj Kastriotin-Skënderbeun, më 28 Nëntor 2001, mu në qendër të Prishtinës. Kjo ka qenë ëndërr e ime që nga bankat shkollore në gjimnazin e Prizrenit para Luftës së Dytë Botërore. Përveç kësaj, më gëzon fakti që në zgjedhjet parlamentare më 17 nëntor 2007, fitova 17.622 vota të elektoratit të Kosovës, pra të popullit, nga të cilat mund të kenë qenë evetualisht vetëm 2.570 vota të demokristianëve, aq sa kanë fituar 2 kandidatët e Kryesisë së partisë, të cilët kanë qenë të parët në listën e kandidatëve për deputetë.

       Meqenëse Kosova u çlirua, okupatori serb u dëbua përgjithmonë nga kjo trevë  

shqiptare, në saje të Shteteve të Bashkuara të Amerikës dhe të aleatëve të tyre

evropianë, mendoj se roli i partive politike shqiptare për pavarësinë e Kosovës ka përfunduar dhe tash ato luftojnë për pushtet, për poste në institucionet e Republikës së Kosovës. Kuptohet se edhe PSHDK-ja tash lufton për pushtet, si partitë e tjera. Mua lufta për pushtet kurrë nuk më ka interesuar. Prandaj, edhe kjo është një nga arsyet që të largohem krejtësisht nga aktiviteti partiak, sepse nuk dua të përzihem në këtë luftë, kur njerëzit presin përkrahjen time, me të cilën unë kam pasur përvojë të keqe në të kaluarën, duke përkrahur kandidatë të PSHDK-së për poste të larta qeveritare e civile, të cilët kanë dështuar në punën e tyre. Tash, në këtë situatë të ngjashme, nuk dua që ta përsëris këtë gabim, duke ia lënë Partisë eventualisht ,,këmbët e arushës në dorë’’. Ambiciet partiake dhe politike janë të arsyeshme për çdo parti dhe për çdo individ, pra edhe për PSHDK-në dhe anëtarët e saj, prandaj le të luftojë secili për vetën, kuptohet, gjithësesi mbrenda normave statutare.                                                                         

        Partitë mund të jenë edhe të dëmshme, mund ta përçajnë popullin, nëse nuk e ndjekin rrugën kombëtare, nëse punojnë vetëm për interesin partiak, vetjak, regjional e fetar. Nëse partia ndjek rrugën fetare, ajo do të jetë në dam të madh të interesit të Kosovës dhe të interesit kombëtar, i  cili duhet të jetë ideal dhe angazhim i çdo individi dhe i çdo partie politike.

       Meqenëse unë tashmë nuk do të jam në krye të PSHDK-së, as anëtar i saj, unë nuk kam të drejtë morale që të përkrah askend për të marrë postin e kryetarit, ose të anëtarit të kryesisë, sepse unë nuk do të kam punë me ta. Bile unë një kohë nuk kam marrë pjesë në mbledhjet e Kryesisë mu për këtë arsye. Mbledhjet i kanë udhëhequr të dy nënkryetarët dhe të gjitha ato mbledhje kanë pasur në rend të ditës vetëm një pikë –,,Përgatitjet për Kuvendin zgjedhor,’’ ku është diskutuar për mbajtjen e kuvendeve në terren, nëpër Bashkësitë e degëve, dhe për kandidatët eventualë për postin e kryetarit të Partisë. Unë gjatë kësaj kohe kam kryer të gjitha obligimet e tjera të kryetarit të PSHDK-së, madje kam organizuar edhe takimin me Këshillin Qëndror, por në këtë takim munguan disa anëtarë të Këshillit dhe gati të gjithë anëtarët e Kryesisë. Nga ana tjetër, Brenda 5 muajve asnjë Bashkësi e degëve nuk i ka mbajtur kuvendet e degëve, që është kusht statutar për mbajtjen e Kuvendit zgjedhur të Partisë. Kryesia tri here e ka shty datën e mbajtjes së Kuvendit. Bile, për çudi, disa anëtarë të Kryesisë mospunën e tyre e arsyetojnë me mungesën time në mbledhjet e Kryesisë, madje, duke kërkuar që unë ta përkrah për kryetar kandidatin e caktuar nga një Kryesi e Bashkisë së degëve, gjë që është kundër normave statutare. Por edhe pretendentët e tjerë, secili mendonte se unë duhet ta përkrah, megjithëse me kohë e kam informuar Kryesinë e Partisë që çdo anëtar i PSHDK-së ka të drejtë të kandidohet, por unë askënd nuk do ta përkrah, as nuk do ta pengoj. Për këtë vendosë vetëm Kuvendi zgjedhor, përkatësisht delegatët me votën e tyre të fshehtë. Unë nuk kam të drejtë të përzihem në punët e Partisë nga e cila po largohem. Prandaj edhe prezenca ime në Kuvendin zgjedhor do të ishte e tepert, mund të shkaktonte diskutime e skena jo të mira, bile do të ishte krejtësisht pa kuptim dhe jolegjitime.

        Janë edhe disa gjeste të tjera jo të mira, jo njerëzore, nga ana e disa anëtarëve të Kryesisë ndaj meje, por me këtë rast nuk dua t’i përmend. Megjithatë, unë do të kam  qëndrim korrekt ndaj të gjithëve dhe falënderoj të gjithë për bashkëpunimin tonë të deritashëm. Posaçërisht falënderoj sekretarin e Partisë, Mustafë Halilin, për punën e tij të sukseshme gjatë gjithë kohës, sidomos me rastin e fushatave zgjedhore shtetërore, të  kuvendeve partiake dhe punëve administrative. Dorëheqja ime nuk është demonstrative, por krejtësisht normale për arsyejet që i përmenda më lart, para së gjithash, për arsye të moshës dhe të stazhit 16 vjetësh në krye të Partisë.

           Falënderoj anëtarët e Partisë në Kosovë e në diasporë për qëndrimin e tyre  të ndershëm e dinjitoz kundër përpjekjeve për ta shkatërruar dhe përvetësuar PSHDK-në  disa ish-anëtarë karieristë, të përjashtuar nga Partia dhe nga postet e tyre zyrtare shtetërore për korrupcion etj., duke njollosur me punë të pandershme edhe Partinë e cila i ka dërguar në ato poste. Falënderoj diasporën edhe për përkrahjen materiale që ia ka dhënë PSHDK-së.

         Duke u larguar mbas një kohe të gjatë nga kjo Parti, unë jam i kënaqur që ajo, deri më sot ka qëndruar unike, në këmbë të shëndosha, në rrugën e drejtë të interesit të Kosovës. Uroj që këtë rrugë ta vazhdojë edhe në të ardhmën, që të jetë gjithmonë në funksion të interesit kombëtar. Vetëm si e tillë PSHDK-ja mund të jetë e dobishme për Kosovën dhe i arsyeshëm ekzistimi i saj.

         Lus Kryesinë që ky tekst i dorëheqjes ime të parevokushme nga posti i kryetarit dhe anëtarit të PSHDK-së, të lexohet, ose të shumëzohet e të shpërndahet në Kuvendin zgjedhor të Partisë. Nga 20 maji 2008, sipas Statutit, detyrën e kryetarit e kryejnë të dy nënkryetarët deri në Kuvendin zgjedhor, Dr. Jahja Drançolli dhe Dr. Ukë Berisha, të cilët gjithashtu i falënderoj për bashkëpunimin në udhëheqjen e Partisë.     

            Delegatëve në Kuvendin zgjedhor, kryetarit dhe anëtarëve të Kryesisë së re, ju  uroj punë të mbarë  në rrugën kombëtare të Partisë Shqiptare Demokristiane të Kosovës.

Prishtinë, më 20 maj 2008                                                Me nderime,

                                                                                    Prof. Mark Krasniqi    

Orari i mbajtjes së Kuvendeve Zgjedhore për vitin 2008

Në mbledhjen e Kryesisë Qendrore të PSHDK-së në Prishtinë,të mbajtur, më 14 maj 2008,u vendos që kuvendet e BD të PSHDK-së mbahen sipas këtij orari:

Prishtinë,       23 maj në orën 18:00

Prizren,          25 maj në orën 13:00

Pejë,              28 maj në orën 17:00

Ferizaj,          26 maj në orën 18:00

Gjakovë,        31 maj në orën 11:00

                                                   *   *    *

Intervistë ekskluzive për gazetën kombëtare “Bota sot” e akademik Mark Krasniqit, deputet i Kuvendit të Kosovës e kryetar i PSHDK-së

 Me shpalljen e pavarësisë duhet të marrë fund kolonizimi serb në Kosovë

 Në intervistën ekskluzive për gazetën kombëtare “Bota sot” akademik  Mark Krasniqi, deputet i Kuvendit të Kosovës dhe kryetar i PSHDK-së, flet për Kosovën pas shpalljes së pavarësisë dhe për sfidat e saj në të ardhmen.

 “Bota sot”: Z.Profesor, Kosova tashmë ka shpallur pavarësinë dhe ka filluar procesin e implementimit të pavarësisë në bazë të propozimit të z.Ahtisari? Si e vlerësoni ju procesin e deritashëm të ndërtimit të shtetit të Kosovës e sidomos procesin e bërjes së shtetit me Kushtetutë?

 M.Krasniqi: Së pari duhet të themi se prej 17 shkurtit, kur u shpall pavarësia e Kosovës, këtu ka nisur një proces i ri, shumë i rëndësishëm për të ardhmen e Kosovës.
Së dyti, zotëri  Marti Ahtisarit ia dimë për nder për angazhimin e tij në lidhje me statusin e Kosovës. Ai ka bërë punë të madhe me formulimin e ,,Pakos’’ së tij, përkatësisht të ligjeve, në bazë të cilave Komisioni i caktuar nga Kuvendi ka përpiluar Projektkushtetutën e Republikës së Kosovës, e cila ka dalë në diskutim publik. Në bazë të kësaj Pakoje shtetet e ndryshme e kanë njohur dhe do ta njohin  pavarësinë e mbikëqyrur të shtetit të Kosovës. Deri tash (fillimi i prillit) Republikën e Kosovës, të cilën Kuvendi i Kosovës e shpalli shtet të pavarur, sovran e demokratik, e kanë njohur si të tillë 38 shtete. Parlamenti i Kosovës do ta diskutojë dhe aprovojë Kushtetutën gjatë prillit, kurse në publik janë bërë diskutime në disa komuna.
Por, para së gjithash, Pakoja e Ahtisarit është vetëm një propozim, siç thuhet edhe në titullin e tekstit në gjuhën angleze. Pra, propozimi nuk është vendim, por bazë për diskutim, përmirësim dhe për hartimin e tekstit definitiv të Kushtetutës. Zotëri Ahtisari ka për qëllim dhe detyrë që Kushtetuta dhe ligjet e Republikës së Kosovës  të jenë të standardeve evroperëndimore. Por disa nene të Projektkushtetutës, përkatësisht të Pakos së Ahtisarit, janë në kundërshtim me këto standarde evropiane, për të cilat kam vërejtje konkrete.
Kështu në këtë pako propozohet që Kosova të cilësohet si ,,shtet multietnik’’, megjithëse shqiptarët përbëjnë rreth 90% të popullsisë së saj. Në Evropë nuk ka shtete multietnike ku do të ishte struktura nacionale si kjo e Kosovës. Prandaj ky propozim është në kundërshtim me standardet evroperëndimore. Kjo vlen edhe për gjuhët zyrtare, ku edhe serbishtja duhet të jetë gjuhë zyrtare, megjithëse serbët në Kosovë përbëjnë vetëm rreth 5% të popullsisë. Në Evropë nuk ka shtet të tillë, prandaj edhe kjo është në kundërshtim me standardet evropiane. Në Maqedoni shqiptarët përbëjnë 25% të popullsisë së saj (madje, kjo përqindje është sipas statistikës zyrtare maqedonase, kurse në realitet ajo është shumë më e madhe), por megjithatë Maqedonia nuk është shtet multietnik, as gjuha shqipe nuk është gjuhë zyrtare. Neni 58 dhe shumë nene të tjerë të Propozimkushtetutës  përcakton të drejtat  e minoriteteve, të cilat askush nuk ua mohon, pra as gjuhën e tyre zyrtare në komunat ku përbëjnë shumicën e popullsisë. Mendoj se në tekstin definitiv të Kushtetutës së Republikës së Kosovës duhet të shtohen në të gjitha rastet përkatëse fjalët ,,sipas standardeve evroperëndimore’’ (ose evropiane).
Krijimi i enklavave etnike serbe është në kundërshtim me politikën e proceseve integruese të Evropës Perëndimore

 “Bota sot”: Ju disa herë i keni parashtruar vërejtjet e juaja edhe herëve të tjera, sidomos për procesin e decentralizimit në Kosovë?

M.Krasniqi: Po, decentralizimi i pushtetit  komunal në Kosovë, siç propozohet, është problem më vete, i cili nëse realizohet në këtë mënyrë, do të jetë mollë sherri dhe objekt i konflikteve të rënda e permanente ndërmjet serbëve dhe shqiptarëve. Krijimi i enklavave etnike serbe është në kundërshtim me politikën e proceseve integruese të Evropës Perëndimore. Pra, kjo politikë e decentralizimit, e krijimit të komunave etnikisht të pastra serbe, është në kundërshtim me standardet evropiane, në kundërshtim me procesin e integrimit të përgjithshëm. Këto enklava do të jenë të dëmshme edhe për serbët, sepse në këtë mënyrë ata do të vetizolohen, do të potencohet nga ana e tyre qëndrimi kundër pavarësisë së Kosovës, qëndrimi e veprimi antishqiptar, kurse nga ana tjetër, as shqiptarët nuk do të rrinë duarkryq, kështu që armiqësia mes tyre do të thellohet vazhdimisht. Në kushte të tilla serbët nuk do të kenë mundësi qarkullimi lirisht nëpër gjithë territorin e Kosovës, sepse izolimi i tyre pamundëson integrimin në proceset demokratike të Kosovës dhe krijimin e tolerancës e fqinjësisë së mirë mes serbëve e shqiptarëve. Ne jemi për të drejtat e plota të minoriteteve etnike, sipas standardeve të Evropës Perëndimore, por jemi kundër privilegjeve që u jepen vetëm një minoritetit, madje, në rastin konkret, i cili kundërshton pavarësinë e Kosovës. Kështu bëhen diferencime të papranueshme mes minoriteteve të tjera, të cilat e përkrahin realitetin e ri dhe kontribuojnë që Republika e Kosovës të konsolidohet e të përparojë në të gjitha fushat. Kosova është shtet i shqiptarëve, për krijimin e të cilit shqiptarët janë përpjekur gjatë shekujve, por në kuadrin e këtij shteti jetojnë edhe disa minoritete, të cilat gëzojnë të gjitha të drejtat që u takojnë dhe e konsiderojnë atdhe të tyre. Shqiptarët do të përpiqen që të plotësohen të gjitha standardet evropiane ndaj pakicave etnike. Prandaj, nuk duhet të pranohet decentralizimi i pushtetit qendror në  mënyrën e propozuar, por të gjitha komunave duhet t’u jepen më shumë kompetenca, më shumë përkrahje financiare dhe kështu qytetarëve t’u krijohen mundësitë që shumë probleme e kërkesa të tyre t’i realizojnë në komunën e tyre, në vend që t’u drejtohen institucioneve qendrore.
Dyshtetësia është një hap pozitiv në përgjithësi, por në situatën që e kemi, mund të krijojë probleme të mëdha, sidomos në lidhje me Serbinë. Prandaj, dyshtetësia tash për tash nuk duhet të zbatohet, por të mbetet si mundësi për të ardhmen. Nga ana tjetër, në Pako parashihen lidhje të posaçme mes Serbisë dhe enklavave serbe në Kosovë. Kjo krijon probleme të mëdha nga ana e Serbisë në këtë situatë, prandaj nuk duhet të përligjet kjo mundësi.
Është fyerje e madhe për popullin shqiptar krijimi tash i zonave mbrojtëse dhe i mureve të larta rreth këtyre kishave ortodokse

 “Bota sot”: Z. profesor, ju jeni njohës i mirë i rrethana historike, sidomos të historisë së trashëgimisë kulturore të Kosovës. Në dokumentin e z.Ahtisari monumenteve ortodokse u jepet një rëndësi e veçantë?

 M.Krasniqi: Krijimi i zonave mbrojtëse rreth kishave ortodokse serbe kurrsesi nuk duhet të pranohet në mënyrën e propozuar. Kjo duhet të jetë në kompetencën e organeve të politikës së urbanizimit të komunave, e mos të merret Kushtetuta me këtë çështje. Zonat e caktuara deri tash janë kthim në kohën mesjetare, moti të kaluara. Madje, këto zona janë krejtësisht të panevojshme, sepse kishat e manastiret ortodokse shqiptarët i kanë ruajtur gjatë shekujve. Vetëm në saje të bujarisë së popullit shqiptar janë edhe sot në këmbë kishat ortodokse në Kosovë. Bile, shqiptarët kanë krijuar organ të posaçëm në kohën e sundimit otoman në Ballkan, të quajtur ,,vojvoda i kishës’’, të cilët, bashkë me fshatin përkatës, i kanë mbrojtur nga çdo rrezik. Është fyerje e madhe për popullin shqiptar krijimi tash i zonave mbrojtëse dhe i mureve të larta rreth këtyre kishave, të cilat janë ndërtuar kryesisht në kohën e sundimit të Bizantit në këto vise, kur ende nuk ka pasur fare serbë në këto anë. Prandaj edhe organet kompetente të OSBE-së kanë propozuar që këto kisha e manastire mos të  trajtohen si ,,pasuri kulturore serbe’’, por si pasuri e tillë bizantine, ose kosovare. Por me insistimin e kishës serbe, ky propozim nuk është pranuar. Në nenin 38.4 të Projektkushtetutës së Kosovës duhet të shtohet: ,,Ndalohen propaganda dhe manifestimet  fetare me të cilat cenohet toleranca fetare’’.
Ndërkaq në nenin 59.9 të Projektkushtetutës së Kosovës, ndër të tjera flitet edhe për të drejtat e  komuniteteve për lirinë e emërtimit të lokaleve, rrugëve, shesheve, vendbanimeve etj. Kemi raste në disa lokalitete me popullsi serbe ku qysh tash  në tabelën e rrugës kryesore shkruan ,,Bulevar heroja Ratko Mladiq’’,  i cili ka kohë që kërkohet nga Tribunali i Hagës dhe policia ndërkombëtare për ta arrestuar për krimet që i ka bërë gjatë luftës së fundit në popullsinë civile në Bosnjë e në Kroaci. Prandaj në këtë nen duhet të shtohet  - ,,Nuk mund të përdorën emërtime të cilat nxisin kundërshtime etnike, fetare  dhe kundër interesit të shtetit’’. Në pikën 12 të këtij neni u lejohet minoriteteve ,,të marrin pjesë të papenguar, pa diskriminim’’ në aktivitetet e organizatave  joqeveritare lokale, rajonale dhe ndërkombëtare. Këtu  duhet të hiqet pika dhe të shtohet një presë me këtë tekst ,,të cilat në asnjë mënyrë nuk cenojnë interesat e Republikës së Kosovës dhe të qytetarëve të saj’’. Edhe pika 14 duhet  të përfundojë me fjalët ,,në pajtim me ligjet’’.
Në propozimin e Projektkushtetutës shqiptarët nuk përmenden fare

 “Bota sot”: Ju si deputet i Kuvendit të Kosovës e keni lexuar dhe i keni paraqitur vërejtjet e juaja rreth Projektkushtetutës së ardhshme të Kosovës?

 Mark Krasniqi: Po, ashtu siç thashë edhe më lart, Projektkushtetuta e Kosovës duhet të plotësohet me vërejtjet e qytetarëve dhe të deputetëve të Kuvendit të Kosovës. Në propozimin e Projektkushtetutës shqiptarët nuk përmenden fare, kurse serbët disa here. Madje, edhe flamuri shtetëror nuk ka kurrfarë shenje kombëtare, as ngjyrë të kuqe, as të zezë dhe asnjë krah të shqiponjës, por ka shumë elemente për të treguar se Kosova është shtet multietnik. Edhe flamuri sjell indiferentizëm në popullin shqiptar ndaj tij, në vend të simpatisë e dashurisë.
Në shumë nene përdoret  shprehja ,,popullsi joshumicë’’ dhe ,,popullsi shumicë’’, duke e përcaktuar në këtë mënyrë ofenduese popullin shqiptar në Kosovë, që mos t’i përmendet emri fare, sepse ai  ua vret veshin serbëve. Por  ky pagëzim  i dhunshëm ia bën qejfin edhe episkopit serb Artemije në Prizren, i cili moti ka deklaruar: ,,Ne e duam Kosovën, por e duam Kosovën serbe’’, pra etnikisht të pastër, pa shqiptarë. Nëse do ta ndërrojmë emrin tonë kombëtar dhe të quhemi ,,popullsi shumicë’’, hirësia e tij ndoshta do të na durojë, bile derisa të na bëjë ,,popullsi pakicë’’ me kryq e me shpatë, siç ka bërë Savë Batarja më 1913 në Rrafshin e Dukagjinit.
Në nenin 64 përcaktohet struktura e Kuvendit të Kosovës, i cili ka 120 ulëse, përkatësisht  120 deputetë. Nga ky numër për minoritetet etnike janë rezervuar 20 ulëse, nga të cilat 10 u takojnë serbëve edhe nëse nuk dalin fare në votime. Për një etnitet, i cili në popullsinë e vendit përbën vetëm rreth 5%, pa dyshim se 10 ulëse janë kafshatë e madhe, sepse  të gjitha minoritetet e tjera kanë vetëm 10 vende të rezervuara. Mendoj se për serbët do të mjaftonin 5 ulëse të rezervuara plus ato që i fitojnë me vota.
Neni 81 përmban 8 ligje , të cilat emërohen ,,Legjislacioni me Interes Vital’’. Këto ligje garantojnë disa të drejta të minoriteteve. Këto ligje nuk mund të miratohen, të ndryshohen, ose të shfuqizohen pa votën e shumicës së deputetëve prezentë dhe pa votën e shumicës së deputetëve minoritarë që kanë ulëset e rezervuara. Pra, kështu Parlamentit i imponohen dy votime për këto 8 ligje. Ky imponim është në kundërshtim me strukturën e Parlamentit, i cili është unik, një dhomë, një institucion kompakt, kurse Pakoja e Ahtisarit e ndanë në dy shkallë, në dy dhoma, në dy njësi jo të barabarta, sepse nëse shumica e deputetëve minoritarë nuk voton për këto ligje, merret vendimi i prerë, i pakontestueshëm, pa marrë parasysh votat e deputetëve shqiptarë që përbëjnë shumicën  dërmuese. Me fjalë të tjera, 20 ose eventualisht pak më shumë, votat e deputetëve minoritarë vendosin për këto ligje e jo 100 vota të deputetëve shqiptarë. Po kështu është hartuar edhe neni 144, pika 2 në lidhje me ndryshimet eventuale të Kushtetutës.
Në këtë mënyrë minoritetet mund të vendosin lirisht për ,,ligjet të cilat ndryshojnë kufijtë e komunave, themelojnë apo shuajnë komuna, përkufizojnë shtrirjen e pushteteve të komunave dhe pjesëmarrjen e tyre në marrëdhëniet ndërkomunale dhe tejkufitare’’ dhe kështu me radhë. Ky nen është në kundërshtim flagrant me parimin e demokracisë, i cili respektohet në mbarë botën  - që vendimet merren vetëm me shumicën e votave, e jo me pakicën, siç parashihet në këtë nën, i cili është kundër standardeve demokratike të Evropës Perëndimore dhe më gjerë. Kushtetuta nuk duhet  të sanksionojë ligje kundër standardeve të botës demokratike, kundër drejtësisë dhe kundër logjikës.
Jemi për të drejta të plota të minoriteteve, por jo për privilegjimin e një minoriteti (serb) që është vegël e politikës imperialiste antishqiptare të Beogradit
Ligje dhe kompetenca të ngjashme për komunat dhe minoritetet janë të përfshira edhe në nene të tjera të Projektkushtetutës, kështu që nuk ka kurrfarë nevoje të përsëritën në nenin 81 të ligjeve ,,me interes vital’’. Këto ligje janë hartuar në realitet vetëm për minoritetin serb. Ato janë zgjeruar me disa kompetenca shumë të rrezikshme për sovranitetin e Republikës së Kosovës. Pika 1 e këtij neni u garanton komunave etnikisht të pastra (serbe), autorizime gati si të ishin krejtësisht të pavarura nga pushteti qendror i shtetit. Ky nen është në kundërshtim me nenin 124 pika 6, ku thuhet: -,,Komunat obligohen të respektojnë Kushtetutën, ligjet dhe të zbatojnë vendimet gjyqësore’’.  Meqenëse të drejtat e  minoriteteve janë të garantuara maksimalisht në nene të ndryshme të Projektkushtetutës, mendoj se është e domosdoshme që ky nen të mos  aprovohet fare. Në këtë mënyrë aspak nuk dëmtohet  Pakoja e Ahtisarit, as nuk kufizohen të drejtat e minoriteteve, të cilave u garantohen ato edhe më tepër se në çdo shtet në Evropë, kështu që tejkalohen standardet evropiane. Zotëri Ahtisari ka deklaruar njëherë se Pakoja e tij 2/3 është në favor të minoriteteve. Në realitet në favor të minoritetit serb, i cili megjithatë, nuk e pranon Pakon e tij dhe i cili është kundërshtar i pavarësisë së Kosovës. Prandaj, nëse nuk e pranojnë serbët Pakon e Ahtisarit, pse të përligjen edhe me Kushtetutën e shtetit privilegjet e stërtepruara të tyre? Madje, shtrohet pyetja e  validitetit të këtij dokumenti!
Neni 148 përcakton dy mandate të Parlamentit për zgjatjen e strukturës së tij, përkatësisht për 20 ulëse të minoriteteve. Meqenëse këto privilegje  minoritarët i kanë shfrytëzuar gjatë tri mandateve, do të ishte i mjaftueshëm edhe një mandat, pra i mandatit të katërt të Parlamentit, kurse në Projektkushtetutë parashihet zgjatja e kësaj situate edhe për dy mandate pas aprovimit të Kushtetutës. Kjo është e tepruar, si shumë gjëra të tjera në këtë Projektkushtetutë. Jemi për të drejta të plota të minoriteteve, por jo për privilegjimin e një minoriteti, i cili madje, është kundërshtar i rendit të ri në Kosovë dhe vegël e politikës imperialiste antishqiptare të Beogradit. Madje kolonizimi serb i Kosovës është bërë me qëllim që të sundojë kjo politikë mbi popullsinë autoktone shqiptare dhe me qëllim që ata të dëbohen nga këto troje etnikisht dhe historikisht gjithmonë shqiptare. Më në fund, serbët në Kosovë duhet t’i kenë vetëm ato të drejta, të cilat i kanë rreth 100.000 shqiptarë në Kosovën Lindore.
Nenet 146 dhe 147  përcaktojnë kufizimet e kompetencave të pushtetit vendor në mënyrë decidive dhe transparente - ,,Prania ndërkombëtare civile është autoriteti përfundimtar sa i përket zbatimit të propozimit gjithëpërfshirës për zgjidhjen e statusit të Kosovës, të datës 26 mars 2007  dhe interpretimet e vendimet e tij në lidhje me aplikimin e propozimit gjithëpërfshirës për zgjidhjen e statusit të Kosovës, të datës 26 mars 2007, janë të obligueshme për të gjitha autoritetet publike’’. Siç shihet, kjo është në kundërshtim të plotë me pavarësinë e Republikës së Kosovës dhe me standardet e demokracisë evropiane.
Kushtetuta e Kosovës nuk duhet të përmbajë nene diskriminuese, duke privilegjuar  një  etnitet, sepse në atë mënyrë minimizohen të drejtat e të gjitha etnive të tjera. Fjalën dhe përgjegjësi të madhe historike ka Parlamenti i Republikës së Kosovës.

 “Bota sot”:   Z.Profesor, ju keni deklaruar disa herë se SHBA-ja duhet të jetë e pranishme në të gjitha proceset e statusit të Kosovës?

 M.Krasniqi: Po, mendoj se në çdo forum dhe autoritet ndërkombëtar në lidhje me  Kosovën, duhet të jenë prezente dhe me ndikim të nevojshëm Shtetet e Bashkuara të Amerikës, të cilat për çlirimin e Kosovës dhe për pavarësinë e saj janë angazhuar më shumë, bashkë me aleatët e tyre të Evropës Perëndimore.
Amerika dhe populli amerikan është dëshmuar se është përkrah popullit shqiptar, përkrah popullit të Kosovës. Lidhja jonë tradicionale me Amerikën duhet të vazhdojë edhe në të ardhmen. Prandaj, pavarësisht nga prania e misionit evropian në Kosovë, prania amerikane duhet të jetë e përhershme. Ju e dini se presidenti Ibrahim Rugova gjithmonë deklaronte se ne duhet të mbajmë miqësi të përhershme me Shtetet e Bashkuara të Amerikës. Kjo duhet të jetë formula e përhershme e udhëheqësve të institucioneve të Kosovës.

 Intervistoi Bajrush Morina

 Të mbajmë miqësi të përhershme me SHBA-në, ashtu siç thoshte presidenti Rugova!

 Amerika dhe populli amerikan është dëshmuar se është përkrah popullit shqiptar, përkrah popullit të Kosovës. Lidhja jonë tradicionale me Amerikën duhet të vazhdojë edhe në të ardhmen. Prandaj, pavarësisht nga prania e misionit evropian në Kosovë, prania amerikane duhet të jetë e përhershme. Ju e dini se presidenti Ibrahim Rugova gjithmonë deklaronte se ne duhet të mbajmë miqësi të përhershme me Shtetet e Bashkuara të Amerikës. Kjo duhet të jetë formula e përhershme e udhëheqësve të institucioneve të Kosovës.

Serbëve të Kosovës nuk duhet lejuar dyshtetësia

 Në Pakon e Ahtisarit nuk përmendet fare dyshtetësia, por në Projektkushtetutë kjo gjë është propozuar. Tash, në situatën që është Kosova, nuk duhet të jepet kjo mundësi, sepse Serbia do ta shfrytëzonte në mënyra të ndryshme  për destabilizimin e Republikës së Kosovës.
Kosova është shtet i shqiptarëve, për krijimin e të cilit shqiptarët janë përpjekur gjatë shekujve, por në kuadrin e këtij shteti jetojnë edhe disa minoritete, të cilat gëzojnë të gjitha të drejtat që u takojnë dhe e konsiderojnë atdhe të tyre. Shqiptarët do të përpiqen që të plotësohen të gjitha standardet evropiane ndaj pakicave etnike.

*   *   *

Kryetari i PSHDK-së, Mark Krasniqi uron besimtarët e krishterë me rastin e festës së Pashkeve

Këto janë Pashkët e para në Republikën e pavarur dhe sovrane të Kosovës

Prishtinë, 22 mars - Kryetari i Partisë Shqiptare Demokristiane të Kosovës, akademik Mark Krasniqi, gjithë shqiptarëve të besimit katolik u ka uruar festën e Pashkëve, me dëshirën që edhe këtë festë ta kremtojnë të gëzuar, me dashuri familjare dhe me begati.

Me rastin e festës së Pashkëve, akademik Mark Krasniqi përgëzon të gjithë qytetarët e krishterë të Kosovës. E veçanta e kësaj feste është që për herë të parë po e presim në Kosovën e pavarur dhe sovrane.

“Me rastin e festës së Pashkëve uroj të gjithë besimtarët e krishterë, që këtë festë të bekuar ta kremtojnë në paqe e me dashuri”, thuhet në urimin e tij.  Akademik Krasniqi, ka uruar që kjo festë  të na shërbejnë si moment inspirimi për më shumë dashuri, solidaritet e mirëkuptim të përhershëm.

                                                *   *   *

Kryetari i PSHDK-së, Mark Krasniqi uron besimtarët e krishterë me rastin e festës së Kërshëndellave

Festat tjera t’i festojmë në shtetin e pavarur dhe sovran të Kosovës

Prishtinë, 23 dhjetor - Kryetari i Partisë Shqiptare Demokristiane të Kosovës, akademik Mark Krasniqi, gjithë shqiptarëve të besimit katolik u ka uruar festën e Kërshëndellave, me dëshirën që edhe këtë festë ta kremtojnë të gëzuar, me dashuri familjare dhe me begati.

“Me rastin e festës së Krishtlindjeve uroj të gjithë besimtarët e krishterë, që këtë festë të bekuar ta kremtojnë në paqe e me dashuri”, thuhet në urimin e tij.  Akademik Krasniqi, ka uruar që kjo festë dhe festat tjera të fundvitit të na shërbejnë si moment inspirimi për më shumë dashuri, solidaritet e mirëkuptim të përhershëm. Ai me këtë rast, ka shprhur edhe dëshirën që festat tjera t’i festojmë në shtetin e pavarur dhe sovran të Kosovës.

                                                      * * *

PARTIA SHQIPTARE DEMOKRISTIANE E KOSOVËS

PËR ZGJEDHJET PARALEMENTARE, PËR KOALICIONIN  LDD-PSHDK VOTONI NUMRI  117

KANDIDATËT E KOALICIONIT  LDD-PSHDK PËR  DEPUTETË  TË KUVENDIT  TË  KOSOVËS

01                NEXHAT DACI                                  

02                BESA GAXHERRI                              

03                ADEM SALIHAJ                                

04                BERIM RAMOSAJ                             

05                LULZIM ZENELI                               

06                MARK KRASNIQI                              

07                HYSEN GËRVALLA                          

08                QAMILE MORINA                              

09                SALIH GASHI                                     

10                FAIK HIMA                                         

11                GANI GECI                                          

12                NASER RUGOVA                                

13                TOMË HAJDARAJ                              

14                DRITA MALIQI                                   

15                HAJRUSH BAJRALIU                        

16                NEXHMIJE KALLABA                       

17                SEJDË TOLAJ                                      

18                SYNAVERE RYSHA                             

19                ILIRJANE GAFURRI                            

20                RAMADAN KELMENDI                      

21                SABIT RRUSTEMI                               

22                PAKIZE MISOLLI                                

23                FAHRUSH REXHEPI                           

24                NUSRETE ZEKA                                   

25                HAFIZ KRASNIQI                                 

26                MUSLI MEHAJ                                      

27                EDI DACI-PRAPASHTICA                   

28                RAMIZ ZEKA                                          

29                BAHTIJAR KRYEZIU                            

30                LULJETA KADIRI                                   

31                HIDAJET PAÇARIZI                             

32                PAJAZIT PLLANA                                   

33                MEVLIDE SHAMOLLI                         

34                MILAZIM HALITI                                    

35                ABDYL HOXHA                                         

36                MIMOZA ISMAILI                                   

37                NAZMI HASANAJ                                    

38                HATIXHE BERISHA                              

39                DEMUSH BAJRAKTARI                        

40                ENVER MUJA                                          

41                HABIBE MALIQI                                    

42                GJOKË PRENAJ                                     

43                FIRASETE MORINA                              

44                BESART JASHARI                                  

45                HALIL AHMETI                                       

46                MALSORE GASHI                                 

47                BASRI LENJANI                                    

48                HANE ELSHANI                                    

49                SABAHUDIN KOMONI                         

50                RAGIP GAJRAKU                                  

51                IMRI BADALLAJ                                   

52